THE GIANT STEPS – MAKUXI E SUÍÇO SE UNEM EM ARTE GLOBAL

TRUDUÇÃO DE ENOQUE RAPOSO
Maikan Pisi’ Pata’ wanî mîrîrî aminke’ 240 km Boa vista pia’pai, murukunto´ pata’sepe wanî mîrîrî. Pemonkonyamî tî’komanse non Maikan Pisi po’ mararonkon pepîn,1000 kaisîrî wanî mîrîrî sîrîrî.
Teseru’ kon ton wanînan pata’ po’,karaiwa eseru’ yanu’nan to’ koman to’pe tîwarîrî nîkon to’ eseru’ pata’pai.
To’ eseru’ koneka nan, mîrîrî pî to’ komamî. Tî’se mîrîrî yakîrî karaiwa eseru’ yanunto’ya’ mîrîrî to’ e’tope to’ kaisîrî.
Homologação pata’pai, Maikan Pisi Pata’ esenyakama mîrîrî tî’seru’kon yenpîtî’pî to’ komamî tamînauyarî kon pata’ponkon ya’ erama’ to’pe. 2017 yai’ Maikan Pisi Pata’ karemekapî Jaider Esbell ya’ era’taiko pî itese’ mîkîrî Viliam Mauritz tesenyakamîsen pata’ po. Tesenkamato’ ese’ mîrîrî KORENAN YEMA’PÎ – THE GIANT STEPS – A PEGADA GIGANTE.
Tî’komanîto’ eseru yemarî ton wai ya’ mîrîrî itemapî enîmî’tope pata’po. Emaipe wanî mîrîrî tarî’ Brasilpo’ Maikan Pisi Pata’ po.
Mirîrî festa kone’ka Jaider Esbell ya iton’pa Viliam Mauritz yakarî wanî mîrîrî outubro kapoi pî’ 6, 7 moropai 8 yai sîrîrî kono’pî 2017. Pemonyamî emurukontî sîrîrî mararîpra ete’karî etai.

Morîpe eramato’pe, mîrîrî yai,filme gravama’ karaiwa ya’ 3 (eseuwîr wei kaisirî). Moropai erama’ to’pe kîwîne’ patapai dronne yakarî filma ta’ karaiwa ya’. Ewaron’ ya’, apo’ turu’ku to’ya mîrîrî KORENAN YEMA’PÎ eku’to pe moropai erama to’pe.
Mîkîrî Viliam wanî mîrîrî festa esa’pe mîrîrî yai.
Inkamoro’, Jaider moropai Viliam eseyakama tarî Amazônia po’ mîrîrî yeka’ to eseyakamanto’ epu’to pe morîpe. Morîpe to’ eseyakamasa ya’, tiaronkon karaiwa yamî i’pî to’ e’tai to esenyakamato’ eyenpopîto’pe to’ ya. Moropai tiaron kare’man, turista yamî yato’ pe etanîkon sîrîrî to’ etî’tope esenîmenkai mîrîrî Jaider Esbell moropai Viliam Esenyakamato’ eramai Maika Pisi po’ moropai esenato’ wanî. Eramakî Enoque Raposo yakrî (95 99130 – 4045 – raposito32@gmail.com). Moropai Jaider Esbell narî wa’kî (95 – 99959 – 2025 – es.b@hotmail.com). Viliam erapamî 1 yai 10 pakîrî outubro kapoi pî’. Jaider Esbell moropai Enoque Raposo esenyakama mîrîrî Maikan Pisi po mîrîrî yekon pî. To’ wa’tî.